Sa sulod sang wala pa pulo ka tuig, ikaduha na ini nga beses nga may makahalalit nga wildfire sa Chile. Nagreport ang mga awtoridad nga may sobra 300 ka sigesige nga sunog sa bilog nga pungsod sugod sang Pebrero 2023. Madamo sini nga sunog ang wala gihapon makontrol. Ginlamon sang kalayo ang sobra 430,000 ka ektarya nga duta sa sentral nga mga rehiyon sang Araucanía, Biobío, kag Ñuble. May mga report parte sa nahalitan nga importante nga mga bilding, mga highway, kag mga ospital sang pungsod. Indi magnubo sa 6,000 ka tawo ang naapektuhan sini, kag sobra 1,500 ka balay ang nasunog. Asta sa sini nga report, 25 na ang napatay.

• Wala sang utod nga napatay

• 222 ka manugbantala ang napilitan nga magbakwit; 76 ang wala pa makabalik sa ila mga balay

• 18 ka balay ang nasunog

• Wala sang Kingdom Hall nga nasunog

• Ginapaumpawan sang mga elder kag sang mga manugtatap sang sirkito ang mga naapektuhan sini nga trahedya

• May gin-asayn nga Disaster Relief Committee para magdumala sang pagbulig

Sa sining mabudlay nga sitwasyon makasalig ang aton mga kauturan nga si Jehova, nga “nagalugpay sa aton sa tanan naton nga mga pagtilaw,” ara gid sa ila tupad.—2 Corinto 1:4.