Sang Pebrero 2, 2024, ang grabe ka kusog nga hangin kag sobra kainit nga panahon nagpalala sa duha ka dalagku nga mga wildfire sa baybayon sang Valparaíso sa Chile. Nasunog sang kalayo ang sobra 15,000 ka mga balay sa sulod kag sa palibot sang madamo sing tawo nga siudad nga Viña del Mar. Ginabanta nga mga 40,000 ka tawo ang naapektuhan sang wildfire. Madamo ang wala gihapon sang kuryente ukon tubig. Indi mahapos para sa mga bombero, paramedic kag iban pa nga makadtuan ang naapektuhan nga mga lugar. Ang mga report nagsiling nga madamo nga tawo ang nasamaran. Sobra 130 ang napatay.

• Makapasubo nga 1 ka sister ang napatay

• 1 ka brother ang grabe nga nasamaran

• 24 ka kauturan ang nasamaran

• 715 ka kauturan ang nagbakwit

• 72 ka balay ang nasunog

• 2 ka balay ang may daku nga guba

• 1 ka balay ang may gamay nga guba

• Wala sang Kingdom Hall nga naguba

• Mga 4,700 ka kauturan ang nagaistar sa sina nga lugar

• May Disaster Relief Committee nga gin-asayn para mag-organisar sang pagbulig

• Ang mga representante halin sa branch office sang Chile ginpadala para pabakuron ang aton mga kauturan. Dugang pa, nagahatag sang pagpalig-on halin sa Biblia kag praktikal nga bulig para sa mga naapektuhan ang mga manugtatap sang sirkito kag mga gulang

Nagasalig kita nga nakita ni Jehova ang “pag-antos kag kalisod” sang mga naapektuhan sining mga wildfire kag sa indi madugay dulaon na niya ang tanan nga kalamidad.—Salmo 10:14.