Sang Pebrero 20, 2022, ang Bag-ong Kalibutan nga Badbad Sang Cristianong Griegong Kasulatan gin-release sa Kipende paagi sa na-rekord na nga daan nga programa. Gin-release ni Brother Nicolas Hifinger, miembro sang Branch Committee sa Congo (Kinshasa), ang digital version sang Biblia sa mga 10,000 ka manugbantala nga nagtambong. Ang naimprinta nga mga kopya mangin available sa Abril 2022.

Ang kasaysayan sang mga Saksi ni Jehova sa lugar nga nagahambal sang Kipende nag-umpisa sang dekada ’60 sang ginhatagan sang kopya sang Ang Lalantawan ang isa ka lalaki nga si Makanda Madinga Henri. Sa tapos niya mabasa ini, nakumbinsi sia nga ang mensahe sini amo ang kamatuoran kag ginsugid man niya sa iban ang iya natun-an. Sang ulihi, nabawtismuhan sia bilang isa sa mga Saksi ni Jehova. Wala madugay, naporma ang una nga Kipende sing lenguahe nga kongregasyon sa Kiefu sang 1979.

Ini nga translation magabulig sa aton mga kauturan sa ila personal nga pagtuon kag pagbantala sang maayong balita. Halimbawa, ginpaathag ni Brother Hifinger nga ining bag-o gin-release nga Biblia “sibu kag maathag,” kag “ginbalik sini ang ngalan nga Jehova kon diin ini makita sa orihinal nga mga teksto.”

Ginapangamuyo naton nga ining Bag-ong Kalibutan nga Badbad magabulig sa aton mga kauturan nga ‘magpamunga sa tagsa ka maayong buhat kag maglambo sa sibu nga ihibalo tuhoy sa Dios.’—Colosas 1:10.