Goma, Democratic Republic of the Congo

• Sang Sabado, Mayo 22, 2021, naglupok ang Mount Nyiragongo sa North Kivu Province, malapit sa siudad sang Goma. Linibo ka tawo ang nagbakwit

• 2,000 ka manugbantala ang nagbakwit sa kaingod nga mga siudad

• 35 ka special full-time servant ang nagbakwit kag nagpangita sing temporaryo nga ilistaran

• Indi magnubo sa 29 ka balay sang aton kauturan ang naguba

• May gin-asayn na nga Disaster Relief Committee (DRC) para magdumala sa pagbulig. Nagabuligay man ang DRC kag ang mga manugtatap sang sirkito upod sa mga gulang para mabal-an kon daw ano kadaku ang halit. Nagahatag man sila sing praktikal nga bulig sa mga kauturan

• Ang tanan nga pagbulig ginahimo samtang ginasunod ang mga protocol nga ginapatuman bangod sa COVID-19

Madamo nga kauturan naton ang wala na sing balay. Pero maayo lang kay wala sing isa sa ila nga nasamaran ukon nahalitan sini nga kalamidad. Padayon naton sila nga ginapangamuyo samtang nagadangop sila kay Jehova sa sining tion sang kabudlayan.—Nahum 1:7.