Sang Mayo 30, 2021, ginpagua ang Bag-ong Kalibutan nga Badbad Sang Cristianong Griegong Kasulatan sa Alur nga lenguahe. Si Brother Hugues Kabitshwa, miembro sang Branch Committee sa Congo (Kinshasa) ang nagpagua sang digital format sini nga Biblia paagi sa ginrekord na nga daan nga programa.

• Ang Alur isa ka lenguahe sa Central Africa. Ginahambal ini sa aminhan-sidlangan nga bahin sang Democratic Republic of the Congo kag sa kaingod sini nga Uganda

• Mga 1,735,000 ka tawo ang nagahambal sang Alur

• May sobra 1,500 ka manugbantala sa 48 ka kongregasyon kag mga grupo nga nagagamit sini nga lenguahe

• 6 ka translator ang nagpangabudlay sa sulod sang 12 ka bulan para matapos ini nga proyekto

Si Brother Christian Belotti, miembro sang Branch Committee sa Congo (Kinshasa), nagsiling: “Ang mga manugbantala nga Alur ang lenguahe manamian gid sa pagbasa sini nga Biblia. Makabulig ini sa ila nga mapaathag ang Kasulatan kag mabuligan man nila ang iban nga maintiendihan kag maapresyar ang Pulong sang Dios.”—Lucas 24:32.

Sigurado kita nga ining bag-o ginpagua nga Biblia makabulig sa aton mga kauturan nga padayon nga ipahayag ang “wala sing katapusan nga maayong balita.”—Bugna 14:6.