Fiji

• Sang Huebes, Disiembre 17, 2020, ang mabaskog katama nga Bagyo Yasa nag-landfall sa ikaduha nga pinakadaku nga isla sa Fiji nga Vanua Levu

• Ang Yasa ang ikaduha sa pinakamabaskog nga bagyo nga nag-igo sa Fiji. Ang hangin sini naglab-ot sa kabaskugon nga 260 kilometros por ora (161 mph)

• May mga 30 ka kongregasyon kag mga isolated group sa naapektuhan nga lugar

• Wala sang kauturan nga nasamaran

• Sa una nga report, may 20 ka pamilya nga nagbakwit

• Grabe gid ang halit sini nga bagyo sa mga patubas nga amo ang panguna nga ginakuhaan sang pagkaon sang 430 ka manugbantala

• 10 ka balay ang nawasak gid

• 25 ka balay ang nahalitan

• 1 ka Kingdom Hall ang may gamay nga guba

• Ang Fiji branch nag-asayn na sang tatlo ka Disaster Relief Committee (DRC). Ginbuligan sini nga mga DRC ang mga kauturan nga nagbakwit nga makakita sang dalayunan, kag naghatag man sila sang iban pa nga kinahanglanon pareho sang tubig nga ilimnon, bayo, pagkaon, kag mga trapal

• Ang mga utod halin sa Fiji branch kag ang mga manugtatap sang sirkito sa sini nga lugar, nag-shepherding na sa mga naapektuhan

• Ginsunod sang tanan nga nagbulig kag nag-shepherding ang mga safety protocol nga ginapatuman bangod sa COVID-19

Bisan pa grabe gid ang halit sini nga bagyo sa aton mga kauturan, nabatyagan nila nga matuod gid ang ginasiling sang Salmo 46:1: “Ang Dios aton dalangpan.”