Sang Domingo, Hunyo 21, 2020, ginpagua ang ginrebisar nga Bag-ong Kalibutan nga Badbad sang Balaan nga Kasulatan sa Georgian sa isa ka special meeting nga ginhiwat paagi sa videoconference. Si Brother Geoffrey Jackson, nga miembro sang Nagadumala nga Hubon, amo ang nagpagua sini paagi sa ginrekord nga pamulongpulong. May kabilugan nga 19,521 ang nag-tie in sa programa. Ang elektroniko nga bersion sang ginrebisar nga translation puede na dayon ma-download sa jw.org.

Apat ka tuig nga nagpangabudlay ang mga translator para marebisar ang Biblia sa Georgian. Ang isa ka miembro sang translation team nagsiling, “Simple nga lenguahe ang gingamit, gani maintiendihan ini sang mga tawo bisan ano ang ila edad. Tani ma-enjoy ini sang mga pamilya samtang ginatun-an nila ini nga magkaupod.”

Ang isa pa ka translator nagsiling, “Gusto namon nga maintiendihan dayon sang tanan nga bumalasa ang mensahe sini, bisan ano man ang ila ineskwelahan.”

Nagasalig kita nga ang tanan nga magabasa sining sibu kag maathag nga translation sang Biblia magapasalamat kay Jehova sa sining regalo nga nagapakita sang iya gugma.—Santiago 1:17.