HUNYO 25, 2019
GERMANY
Berlin, Germany—“Ang Gugma Wala sing Katapusan”! nga Internasyonal nga Kombension Para sa 2019
Petsa: Hunyo 14-16, 2019
Lugar: Olympic Stadium sa Berlin, Germany
Lenguahe: English, German, Russian
Pinakamadamo nga Nagtambong: 37,115
Kadamuon sang Nabawtismuhan: 255
Mga Delegado Halin sa Iban nga Pungsod: 5,000
Mga Sanga nga Gin-agda: Brazil, Britain, Canada, Ecuador, Finland, Greece, Poland, Scandinavia, Slovenia, United States
Lokal nga Eksperiensia: Ang mga delegado nag-tour sa bantog nga Pergamon Museum sa Berlin bilang bahin sang ila mga activity antes kag pagkatapos sang kombension. Sang ginapanilagan niya ang aton kauturan nga nagbisita sa museum, ang isa ka guardia diri nagsiling: “Madamo nga tawo ang wala na sing paglaum bangod wala sila sing pagtuo. Pero bal-anon gid nga may pagtuo kamo kag gugma sa isa kag isa.” Ang isa pa ka guardia nagsiling: “Kon ang tanan nga bisita pareho sa inyo, daw kadasig lang sang oras kag manamian ako mag-obertaym.”
Lokal nga kauturan nga nagaabiabi sa mga delegado sa erport
Mga kauturan nga nagainupdanay sa luwang sang ginhiwatan sang kombension
Mga delegado nga nagapapiktyur; ang iban sa ila nagasuksok sang tradisyonal nga bayo
Si Brother Samuel Herd, miembro sang Nagadumala nga Hubon, nagahatag sang katapusan nga pamulongpulong para sa Sabado nga sesyon
Mga delegado nga nagapamati sa programa sa English kag nagasulat sing nota sa sesyon sang kombension. Ang duha ka tumalambong nagapamati sa radio broadcast sang programa sa ila earphones
Mga kauturan nga nagatan-aw sang bawtismo sang Sabado
Ang nagbisita nga pinasahi nga bug-os tion nga mga alagad nga ara sa ground floor sang ginhiwatan sang kombension nga nagababay sa katapusan nga bahin sang Domingo
Ang Berlin Olympic Stadium nga nahuman sang 1936, sa una nga adlaw sang kombension. Sa sini man nga stadyum ginhiwat ang internasyonal nga kombension sang 1990 pagkatapos nga ginguba ang Berlin Wall
Mga delegado nga nagapakigbahin sa pangpubliko nga pagpanaksi sa atubangan sang bantog nga Brandenburg Gate sa downtown sang Berlin
Mga delegado nga nagatipon sa Colonnade Courtyard, malapit sa Pergamon Museum
Mga tumalambong nga nagapalakpak sa katapusan nga bahin sang isa ka evening gathering
Basi Manamian Ka Man
PARTE SA AMON
Tambungi ang 2024 nga Kombension—‘Ibantala ang Maayong Balita!’
Ginaagda ka namon nga tambungan ining tatlo ka adlaw nga kombension nga ginhanda sang mga Saksi ni Jehova.
