Suno sa nareport na sang Marso 9, 2023, may tawo nga nagpaniro pagkatapos sang midweek meeting sang Hamburg-Winterhude congregation. Pagkatapos mapatay kag masamaran ang pila ka kauturan, nag-untat ang pagpaniro bangod nagsulod ang mga pulis sa Kingdom Hall. Dayon naghikog man ang nagpaniro. Ang mga Saksi ni Jehova sa Germany kag sa bilog nga kalibutan nagapasalamat gid sa kaayo, gugma, kag pagbuylog sa ila kalisod sang mga opisyal, mga organisasyon, kag mga indibiduwal sa bilog nga kalibutan.

• Makapasubo nga napatay ang 4 ka brother, 2 ka sister, kag ang wala pa natawo nga bata sang isa ka sister nga napilasan man

• 2 ka brother kag 7 ka sister ang nasamaran

• Ang mga representante halin sa branch sa Central Europe, duha ka manugtatap sang sirkito, kag ang mga elder sa sini nga lugar nagahatag sang paumpaw kag suporta

Bilang nahiusa nga katawhan, ginapangamuyo naton ang tanan nga naapektuhan sini nga trahedya. Si Jehova “isa ka kuta sa adlaw sang kalisdanan,” kag magabulig sia sa aton nga mabatas ining mabudlay nga tion samtang nagapadayon kita sa aton malinong nga pag-alagad.—Nahum 1:7.