Sang Hunyo 2 kag 3, 2023, ang mabunok nga ulan nagresulta sa grabe nga pagbaha sa pila ka lugar sa Haiti. Gin-report nga linibo ka balay ang nabahaan, kag halos 40,000 ka pamilya ang naapektuhan sa sarisari nga lugar sa pungsod. Sobra 13,500 ka tawo ang nagbakwit. Mga 50 ka tawo ang napatay.

• Wala sang napatay sa aton mga kauturan

• 1 ka brother kag 1 ka sister ang nasamaran

• 60 ka kauturan ang nagbakwit

• 1 ka balay ang nawasak

• 3 ka balay ang may daku nga guba

• 19 ka balay ang may gamay nga guba

• Wala sang Kingdom Hall ukon iban pa nga pasilidad nga ginagamit sa pagsimba kay Jehova ang naguba

• Ang mga manugtatap sang sirkito kag ang mga elder sa sina nga lugar nagahatag sing pagpalig-on halin sa Biblia kag praktikal nga bulig sa mga kauturan nga naapektuhan sang baha

• Ang mga kongregasyon sa sina nga lugar nagabulig man sa apektado nga mga kauturan

Nagasalig kita nga “pabaskugon ni Jehova” ang aton mga kauturan nga naapektuhan sang baha sa Haiti.—Salmo 29:11.