Sang nagligad nga mga tinuig, naapektuhan ang aton mga kauturan sa Haiti sang nagalala nga pagpamintas sang mga gang kag mga kinagamo. Halin sang Marso 2, 2024, naglala ang kapintas kag indi na makontrol ang sitwasyon sa kapital nga siudad sang Haiti nga Port-au-Prince, bangod gin-atake sang armado nga mga grupo ang importante nga mga bilding kag iban pa nga mga opisina. Nagpatuman sang curfew kag nagdeklarar sang state of emergency ang gobierno. Base sa mga report ginabanta nga mga 15,000 ka tawo ang napilitan magpalagyo sa safe nga mga lugar sang pungsod kag madamo na ang napatay.

• Wala sang utod nga nasamaran ukon napatay

• 113 ka kauturan ang napilitan nga magbakwit

• 2 ka balay ang nawasak

• 5 ka pamilya ang nadulaan sang tanan nila nga pagkabutang bangod sang looting

• Wala sang Kingdom Hall nga naguba ukon nawasak

• 4 ka Disaster Relief Committee ang gin-asayn sa pagdumala sa pagbulig sa bilog nga teritoryo sang branch

• Ang mga manugtatap sang sirkito kag ang mga elder nagahatag sang espirituwal kag materyal nga kinahanglanon sa mga naapektuhan, lakip sa mga nagbakwit bangod sang kinagamo

Bilang mga mag-ulutod sa bilog nga kalibutan, ginapangamuyo naton ang aton mga kauturan sa Haiti nga hatagan sila ni Jehova sang kaalam kag buligan nga mangin kalmado sa sining mabudlay nga mga tion. Upod sa ila, ginapaabot gid naton nga matuman ang promisa ni Jehova nga bag-ong kalibutan sa diin “magabugana ang paghidait.”—Salmo 72:7.