Sang Hunyo 27, 2021, ginpagua ang Roman script nga Bag-ong Kalibutan nga Badbad sang Balaan nga Kasulatan sa Tamil nga lenguahe. Ini nga programa gin-stream sa mga kauturan nga Tamil ang lenguahe sa 16 ka pungsod.

• Ang Tamil ginahambal sang mga 85 ka milyon ka tawo sa bilog nga kalibutan

• May sobra 20,500 ka manugbantala sa 334 ka kongregasyon kag 32 ka grupo nga nagagamit sini nga lenguahe

• 5 ka translator ang nagpangabudlay sa sulod sang 6 ka bulan para matapos ini nga proyekto

Ang Tamil script sang Bag-ong Kalibutan nga Badbad ginpagua sang Septiembre 2016. Nakabenepisyo gid sa sini ang mga nagahambal sing Tamil sa bilog nga kalibutan. Pero ang iban sa ila nabudlayan magbasa sang Tamil script kag mas gusto nila basahon ang Roman script.

Parte sa iya personal nga pagtuon sa Biblia, ang isa ka translator nagsiling: “Nabudlayan gid ako magbasa sang Tamil script gani English na lang ang akon ginabasa. Makabenepisyo gid ako sa sining bag-o nga bersion.”

Sigurado kami nga ini nga translation sang Biblia makabulig sa madamo nga kauturan nga “mapamalandungan” ang Pulong sang Dios. Bilang resulta, mangin malipayon sila kag magamadinalag-on sa ila pagkabuhi kag pagministeryo.—Josue 1:8.