Sang Agosto 8, 2019, ang Administrative Court sang Samarinda nagdesisyon pabor sa tatlo ka bata nga ginpahalin sa ila eskwelahan bangod wala sila nagsaludo sa bandera ukon nagkanta sang national anthem. Ang korte nagmando nga wala dapat ginpahalin sa eskwelahan ining tatlo ka bata kag dapat sila pabalikon. Ini nga desisyon nagapamatuod nga ang mga ginikanan sa Indonesia may kinamatarong magtudlo sang ila relihion sa ila mga bata, kag ang ila mga bata indi dapat pagsilutan bangod ginsunod nila ang relihion sang ila Saksi nga mga ginikanan.

Sanday Yonatan, Yosua, kag Maria Tunbonat, nga nagaedad sang 7, 10, kag 12, ginpahalin sa ila eskwelahan sang Disiembre 2018. Pero nagsiling ang Administrative Court nga sang ang mga bata wala nagsaludo sa bandera ukon nagkanta sang national anthem, wala nila nalapas ang Konstitusyon ukon ang bisan ano nga kasuguan. Wala man ini nagapakita nga wala sila nagarespeto sa mga kustombre ukon sa bandera sang pungsod.

Nalipay gid kita nga ang desisyon sang korte nagarespeto sa kahilwayan sang relihion sang mga bata kag nagatugot sa ila nga makapadayon sa pag-eskwela. Nagalaum kita nga ini nga desisyon sang korte makabulig man sa iban nga bata sang mga Saksi sa Indonesia nga nagaatubang sang pareho man nga kabudlayan sa ila eskwelahan.