Sugod sang Oktubre 7, 2023, may natabo nga grabe nga inaway sa Israel kag sa Gaza Strip. Linibo ka tawo ang kinahanglan magbakwit. Base sa mga report, ginabanta nga 4,200 ka tawo na ang napatay.

• Wala sang utod nga napatay ukon nasamaran

• 93 ka manugbantala ang nagbakwit

• 3 ka balay ang may gamay nga guba

• Wala sang Kingdom Hall nga naguba

• Ang mga manugtatap sang sirkito kag ang mga gulang sa sini nga mga lugar nagahatag sang paumpaw halin sa Biblia kag praktikal nga bulig sa mga naapektuhan

• May Disaster Relief Committee nga gin-asayn sa pagdumala sa pagbulig

Ang aton mga kauturan sa apektado nga mga lugar nagatinguha gid nga padayon nga maalagad si Jehova paagi sa paghiwat sang mga miting sa videoconference. Ang isa ka manugtatap sang sirkito nagsiling: “Bisan pa wala kami kabalo kon ano ang matabo buas, makapalig-on gid nga makita ang mabakod nga pagtuo kag pagpalangga sang mga kauturan sa isa kag isa.”

Ginapaabot naton nga matuman ang promisa sa Biblia nga sa indi madugay ‘pauntaton ang mga inaway sa bug-os nga duta.’—Salmo 46:9.