Halin sang Hulyo 22 asta 26, 2023, ginhalitan sang duha ka malain nga tiempo ang Italy. Sa northern Italy, ang mabaskog nga bagyo nagdala sang sobra 120 kilometros kada oras nga hangin kag sang makahalalit nga pag-ulan sang yelo nga ang iban may kadakuon nga 7 ka pulgada. Sa amo man nga tion, sobra 330 ka wildfire ang nagsunog sa daku nga bahin sang isla sang Sicily. Ang temperatura sa sini nga lugar naglab-ot sa 47 degrees Celsius, gani mas madasig nga naglapta ang kalayo. Bilang resulta, madamo nga bilding ang nawasak kag ginatos ka tawo ang nadulaan sang kuryente. Linibo ka tawo ang nagbakwit. May lima ka tawo nga napatay.

Pag-ulan sang Yelo kag Mabaskog nga Hangin sa Northern Italy

• Wala sang utod nga napatay

• 2 ka brother ang nasamaran

• 36 ka balay ang may daku nga guba

• 242 ka balay ang may gamay nga guba

• 1 ka Kingdom Hall ang may daku nga guba

• 12 ka Kingdom Hall ang may gamay nga guba

Wildfire sa Isla sang Sicily

• Makapasubo nga isa ka mag-asawa ang napatay sang nasunog ang ila balay

• 48 ka kauturan ang nagbakwit

• Wala sang Kingdom Hall ukon iban pa nga bilding nga ginagamit sa pagsimba ang naguba

• Ang manugtatap sang sirkito kag ang mga gulang sa sini nga lugar nagahatag sang praktikal nga bulig kag paumpaw halin sa Biblia sa mga naapektuhan sang wildfire sa Sicily kag sang pag-ulan sang yelo sa northern Italy

• 1 ka Disaster Relief Committee ang gin-asayn para dumalahan ang pagbulig sa Sicily

Nasubuan gid kita sa pagkapatay sang mag-asawa nga kauturan naton sa Sicily kag ginapangamuyo naton ang tanan nga naapektuhan sang sini nga kalamidad. Ginapaabot gid naton ang adlaw nga dulaon na ni Jehova ang tanan nga pag-antos.—Bugna 21:4.