Nagresulta sa pagbaha ang mabaskog nga pag-ulan sa rehiyon sang Emilia-Romagna sa northern Italy. Sugod sang Mayo 15, 2023, mga 50 sentimetros nga ulan ang nagtupa sa sini nga rehiyon sa sulod lang sang halos duha ka adlaw. Sobra 40 ka banwa ang naapektuhan. Indi magnubo sa 14 ka tawo ang napatay. Linibo man ang nagbakwit.

• Wala sang nasamaran ukon napatay sa aton mga kauturan

• 342 ka manugbantala upod ang mga miembro sang ila pamilya ang nagbakwit

• 167 ka balay ang nabahaan. Sa sini, 72 ka balay ang may daku nga guba

• 1 ka Kingdom Hall ang may daku nga guba

• 3 ka Kingdom Hall ang may gamay nga guba

• Ang mga manugtatap sang sirkito kag ang mga gulang nagahatag sang paumpaw paagi sa Biblia kag sang praktikal nga bulig sa mga naapektuhan sang kalamidad

• Isa ka Disaster Relief Committee ang gin-asayn para magdumala sang pagbulig

Ginapaabot naton ang tion nga wala na sang mahadlok bangod sang mga kalamidad kay “ang tolda sang Dios yara [na] sa mga tawo.”—Bugna 21:3, 4.