Sang Septiembre 21 asta 23, 2019, ginwaswasan sang Bagyo Tapah ang nabagatnan nga bahin sang Japan. Bangod sa mabaskog nga hangin kag pag-ulan, ginkanselar ang mga biyahe sang mga eroplano kag tren, kag sobra 30,000 ka balay ang nadulaan sing kuryente. Sa Okinawa kag Kyushu, sobra 50 ka tawo ang nasamaran.

Ang sanga talatapan sa Japan nagreport nga lima ka manugbantala ang nasamaran, kag isa sa ila ang naospital. Sobra 50 ka balay sang kauturan ang nahalitan. Ang Disaster Relief Committee kag ang responsable nga mga brother nag-aman na sing panguna nga pisikal nga kinahanglanon kag pagpalig-on sa naapektuhan nga kauturan. Padayon nga ginamonitor sang sanga sa Japan ang epekto sini nga bagyo para makahatag sang kinahanglanon nga suporta.

Ginapangamuyo naton nga ang aton kauturan sa Japan padayon nga magsalig kay Jehova para sa paumpaw sa sining tion sang kabudlayan.—Salmo 94:19.