Ang Bagyo Hagibis nag-igo sa Japan sang Oktubre 12 asta 13, 2019, kag nagpatay sang indi magkubos 77 ka tawo kag nagresulta sa grabe nga pagbaha. Linibo ka puluy-an ang wala sing kuryente ukon tubig, kag padayon pa nga ginapangita sang mga awtoridad sa Japan ang mga tawo nga ginreport nga nadula. Ginapatihan nga ini nga bagyo amo ang pinakamakusog nga bagyo nga nag-igo sa Japan sugod sang 1958, kag nagdala ini sing sobra 889 ka milimetro (35 in.) sang ulan sa pila ka lugar.

Nakontak na ang tanan naton nga kauturan, kag maayo lang nga wala sing napatay sa ila sa sini nga bagyo. Pero napulo sa ila ang nasamaran kag sobra 1,200 ka puluy-an sang aton kauturan ang naguba. Sa kabilugan, 23 ka Kingdom Hall ang naguba kag tatlo sa sini ang indi gid magamit bangod ginbahaan ukon wala pa sing kuryente. Ang Assembly Hall sa Tochigi naguba man.

May ginporma na nga mga Disaster Relief Committee (DRC) sa mga prefecture sang Fukushima kag Nagano. Mahimo nga magporma sang iban pa nga mga DRC kon bug-os na nga mahibaluan sang branch ang halit sini nga bagyo. Gin-amanan na sang pagkaon kag tubig ang mga kauturan nga apektado. Ang mga manugtatap sang sirkito sa sini nga mga lugar gin-asayn naman para magpalig-on kag magpaumpaw sa mga kauturan nga naapektuhan.

Nagasalig kita nga si Jehova padayon nga mangin dalangpan sang aton mga kauturan sa sining tion sang kabudlayan.—Salmo 142:5.