Sang Septiembre 9, 2019, gin-igo sang makusog nga Bagyo Faxai ang Tokyo, Japan. May dala ini nga hangin nga naglab-ot sa 180 kilometros kada oras ang kadasigon. Bangod sini, 580,000 ka mga puluy-an ang nadulaan sing kuryente kag indi magnubo sa tatlo ka tawo ang napatay.

Ang branch sa Japan nagreport nga wala sing may napatay nga utod, pero pito sa ila ang nasamaran. Suno sa una nga mga report, 895 ka mga puluy-an sang mga kauturan, 28 ka mga Kingdom Hall, kag isa ka Assembly Hall sa Chiba ang naguba.

Padayon nga ginahibalo sang branch ang kasangkaron sang halit nga gintuga sang Bagyo Faxai sa mga kauturan. Ginapangamuyo naton nga padayon nga buligan ni Jehova, “ang Dios nga nagapabakod sa aton kag nagabulig sa aton sa pagbatas,” ang aton mga kauturan nga naapektuhan sang sini nga kalamidad.—Roma 15:5.