Sang Enero 1, 2024, gintay-ug sang magnitude 7.6 nga linog ang Noto Peninsula sa Ishikawa Prefecture sa central Japan. Ang paglinog kag ang mga aftershock nagresulta sa pagkaguba sang mga balay kag sang mga dalan sa sini nga lugar. Sobra 33,000 ka tawo ang nagbakwit. Mga 400 ka tawo ang nasamaran, kag 78 ang napatay.

• Wala sang utod nga napatay

• 1 ka brother ang nasamaran

• Sobra 150 ka kauturan ang nagbakwit

• 2 ka balay ang nawasak

• 7 ka balay ang may daku nga guba

• Sobra 100 ka balay ang may gamay nga guba

• 1 ka Kingdom Hall ang may daku nga guba

• 8 ka Kingdom Hall ang may gamay nga guba

• Isa ka Disaster Relief Committee ang gin-asayn para magdumala sang pagbulig

• Ginpadala ang mga representante halin sa branch sa Japan sa lugar nga naapektuhan para palig-unon ang aton mga utod. Ang mga manugtatap sang sirkito kag ang mga gulang sa sini nga lugar nagabulig man sa paghatag sang pagpalig-on halin sa Biblia kag praktikal nga kinahanglanon sang mga naapektuhan

Nagasalig kita nga si Jehova padayon nga mangin “malig-on nga dalangpan” sang aton mga kauturan sa Japan, kag magahatag sa ila sang kinahanglan nila nga paumpaw kag kabakod sa sining mabudlay nga tion.—Salmo 18:2.