Sang Agosto 29, 2024, nag-landfall ang Bagyo nga Shanshan sa Kagoshima Prefecture, sa Japan. Ang hangin sini nakalab-ot sa halos 160 ka kilometro kada oras ang kabaskugon. Ang pila ka bahin sang mga rehiyon sang Kanto, Kyushu, kag Tokai nakaeksperiensia sang mabaskog nga ulan nga nakalab-ot sa sobra 40 ka sentimetro sa sulod lang sang 48 ka oras. Ining mabunok nga ulan nagresulta sa mudslide kag pagbaha nga nagguba sang mga dalan kag mga bilding. Sobra 120 ka tawo ang nasamaran, kag 8 ang napatay.

• Wala sang utod nga napatay

• 3 ka manugbantala ang nasamaran

• 245 ka balay ang may gamay nga guba

• 8 ka Kingdom Hall ang may gamay nga guba

• Ang schedule sang pila ka rehiyonal nga kombension sa mga lugar nga naapektuhan gin-adjust bangod sang bagyo

• Ang mga manugtatap sang sirkito kag ang mga gulang nagahatag sang paumpaw halin sa Biblia kag sang praktikal nga bulig sa mga kauturan nga nagaistar sa apektado nga mga lugar

Bisan pa nagakasubo kita bangod sini nga mga kalamidad, mapabakod kita paagi sa bulig sang aton “manugbulig kag manuglugpay,” si Jehova nga Dios.—Salmo 86:17.