Sang una nga mga inadlaw sang Hulyo 2020, grabe gid ang pag-ulan sa Kyushu, Japan, amo nga nagbaha kag nag-landslide didto. Naapektuhan gid sini nga kalamidad ang aton mga kauturan sa siudad sang Minamata kag Hitoyoshi sa Kumamoto Prefecture kag ang siudad sang Omuta sa Fukuoka Prefecture. Wala sang isa sa mga Saksi ni Jehova ang napatay, pero isa ka brother kag isa ka sister ang nasamaran. Dugang pa, 48 ka balay sang mga kauturan kag duha ka Kingdom Hall ang nahalitan sang baha. May duha pa gid ka Kingdom Hall nga nahalitan sang landslide.

Ang Kyushu/Okinawa Disaster Relief Committee, nga gin-asayn sang branch sa Japan para magbulig sa mga naapektuhan sang COVID-19, amo na ang nagaorganisar sang kinahanglanon nga bulig para sa mga ginbahaan. Ang mga kauturan nga nagaalagad sa Local Design/Construction kag ang mga manugtatap sang sirkito sa sini nga rehiyon nagapakigbahin man para mabuligan gilayon ang mga kauturan.

Ginapangamuyo naton nga padayon nga buligan ni Jehova, “ang Dios nga nagapabakod sa aton kag nagabulig sa aton sa pagbatas,” ang aton mga kauturan nga naapektuhan sini nga kalamidad.—Roma 15:5.