Sang Agosto 28, 2019, madamo nga lugar sa rehiyon sang Kyushu sa Japan ang ginbahaan bangod sa mabaskog nga pag-ulan. Nag-awas ang mga suba kag bangod posible nga mag-landslide, sobra 800,000 ka tawo ang ginmanduan nga magbakwit. Suno sa report sang sanga sa Japan, 82 ka manugbantala ang kinahanglan maghalin sa ila mga balay. Sa pinakaulihi nga report, 40 ka balay sang aton kauturan ang naguba kag isa ka Kingdom Hall ang may diutay nga guba.

Ang sanga nagporma na sing Disaster Relief Committee para mag-atipan sa naapektuhan nga kauturan. Ginaatipan na sang mga nagalakbay nga manugtatap, upod sa lokal nga mga gulang kag mga manugbantala ang espirituwal kag pisikal nga mga kinahanglanon sang aton kauturan. Nagapasalamat gid kita nga madamo ang napahulag sang gugma nga magbulig para maaman ang mga kinahanglanon sang aton mga masigkatumuluo.—2 Corinto 8:4.