Sang Martes, Septiembre 4, 2018, ang nakatundan sang Japan nahalitan sang pinakamabaskog nga bagyo nga nag-igo sa pungsod sang nagligad nga sobra duha ka dekada. Ginpabakwit sang mga awtoridad ang madamo nga pumuluyo, kag subong sa ginapaabot grabe gid ang halit sang bagyo.

Ginkompirmar sang branch sa Japan nga wala sing Saksi ni Jehova nga napatay. Pero indi magnubo sa 15 ka kauturan ang nasamaran, kag indi magnubo sa 538 ka balay ang naguba. Sa una nga mga report, 44 ka Kingdom Hall ang naguba.

Ang Osaka kag Sakai Disaster Relief Committee nagahatag sing bulig sa mga biktima. Lakip sa ila hilikuton amo ang pagkay-o sa naguba nga mga balay kag pagpalig-on sa mga kauturan.

Nagapasalamat gid kita nga nakita ni Jehova ang mga kabudlayan sang aton mga masigkasumilimba kag nagahatag sia sing bulig paagi sa aton mga kauturan.—Salmo 34:19.