Sang Enero 15, 2019, indi magnubo sa 21 ka tawo ang napatay bangod sa pag-atake sa isa ka hotel kag opisina sa Nairobi, Kenya.

Ang sanga sa Kenya nagreport nga wala sing Saksi nga napatay ukon nasamaran sa sini nga pag-atake, nga natabo mga pito lang ka kilometro halin sa sanga talatapan. Sobra pulo ka kauturan ang nagaobra sa Dusit Hotel, diin natabo ang pag-atake. Sa tion sang pag-atake, wala sa ulubrahan ang pito ka utod, kag ang iban pa hilway nga nakahalin sa lugar. Nalakip sa ila amo ang isa ka utod nga lalaki kag isa ka utod nga babayi nga nagpanago sa sulod sang 12 ka oras sa tion sang pag-atake.

Ang mga gulang kag ang mga manugtatap sa sirkito didto naghatag sing espirituwal nga pagpalig-on sa mga utod nga naapektuhan sini nga trahedya. Ginapangamuyo namon nga kabay nga padayon nga pabakuron ni Jehova ining aton kauturan sa sining mabudlay nga tion.—2 Corinto 1:3, 4.