Sang Hunyo 20, 2021, ginpagua ni Brother Robert Batko, miembro sang Branch Committee sa Central America ang Bag-ong Kalibutan nga Badbad Sang Cristianong Griegong Kasulatan sa Chol nga lenguahe. Ini nga Biblia ginpagua sa electronic format paagi sa narekord nga programa. Gin-stream ini nga programa kag mga 800 ka tawo ang nakatan-aw sini.

• Ang Chol isa ka lenguahe nga ginahambal sa estado sang Chiapas, sa bagatnan-nasidlangan sang Mexico

• Mga 200,000 ka tawo ang nagahambal sang Chol

• Sobra 500 ka manugbantala sa 22 ka kongregasyon kag 2 ka grupo ang nagagamit sini nga lenguahe

• 3 ka translator ang nagpangabudlay sa sulod sang 27 ka bulan para matapos ini nga proyekto

Ang isa ka brother nga nakabulig sa pag-translate sini, nagsiling: “Mabasa sa sining bag-o nga translation ang mga tinaga nga ginagamit namon adlaw-adlaw. Naga-enjoy ako magbasa sang kada kapitulo.”

Ang isa pa ka brother, nagsiling: “Mabasa ko ang Biblia sa Spanish, pero sang ginbasa ko ang translation sini sa Chol nga amo ang akon namat-an nga lenguahe, nalipay gid ako. Daw pareho ini sa pagkaon nga ginluto sa amon mismo balay.”

Kabalo kami nga ini nga Biblia makabulig gid sa mga kauturan nga Chol ang lenguahe, para ila makita ang “natago nga mga bahandi” sa Pulong sang Dios, ang Biblia.—Hulubaton 2:4, 5.