Estado sang Tamaulipas kag Nuevo León, Mexico

• Ang Bagyo Hanna, naglaslas sa aminhan-nasidlangan sang Mexico sang Hulyo 26, 2020, nga nagresulta sa grabe nga pagbaha

• Sa estado sang Nuevo León, 14 ka pamilya ang ginpabakwit antes pa mag-abot ang bagyo

• Sa siudad sang Reynosa, sa estado sang Tamaulipas, 100 ka manugbantala ang nagbakwit

• 21 ka balay ang naguba sa estado sang Nuevo León

• 117 ka balay ang naguba sa estado sang Tamaulipas

• Ang branch sa Central America nag-asayn na sang Disaster Relief Committee

• Ang mga manugtatap sang sirkito kag ang mga gulang sang mga kongregasyon sa apektado nga mga lugar nagabuligay sa pag-organisar sang pagpaninlo kag pag-disinfect sa ginbahaan nga mga balay

• Sa estado sang Nuevo León, ang kalabanan sang kauturan nga nagbakwit nakabalik na sa ila mga balay

• Sa estado sang Tamaulipas, ang mga kongregasyon nagabuligay para mahatagan sing pagkaon kag bayo ang mga nabahaan

Nagapasalamat kita kay Jehova nga wala sing kauturan naton didto nga nasamaran sa sini nga kalamidad. Ang bulig nga nabaton sang mga naapektuhan nagapakita nga ang aton Amay sa langit kag ang iya katawhan ‘nagabulig gid sa tion sang kalisdanan.’—Salmo 46:1.