Sang Hunyo 19, 2022, gin-release ni Brother Patrick Hecker, miembro sang Branch Committee sa Mozambique, ang Bag-ong Kalibutan nga Badbad Sang Cristianong Griegong Kasulatan sa Lomwe nga lenguahe. Gin-release ang digital nga edisyon sang sini nga Biblia sa tion sang narekord na nga daan nga programa. Ang kalabanan nga kauturan sa mga kongregasyon nga nagahambal sang Lomwe nag-attend sa ila Kingdom Hall, kag ang kada isa sa ila nakabaton sang naimprinta nga kopya sang Biblia.

May Lomwe na nga Biblia halin pa sang 1930, pero mahal ini kag ang mga tinaga sa sini dinumaan na. Indi man sibu ang translation sini. Halimbawa, sa iban nga translation, amo ini ang mabasa sa Lucas 23:43: “Sa pagkamatuod, nagasiling ako sa imo subong nga adlaw, mangin kaupod ko ikaw sa langit.” Ang Bag-ong Kalibutan nga Badbad mas sibu. Nagasiling ini: “Sa pagkamatuod ginasiling ko sa imo karon nga adlaw, mangin kaupod ko ikaw sa Paraiso.”

Ang isa sa mga translator nagsiling parte sa sining bag-o gin-release nga Biblia: “Ang Bag-ong Kalibutan nga Badbad Sang Cristianong Griegong Kasulatan sa Lomwe maathag kag mahapos basahon. Maintiendihan dayon sang mga kauturan ang kahulugan sang kasulatan kag mapalig-on sila nga himuon ang ila natun-an.”

Nagasalig kita nga ini nga Biblia magabulig sa aton mga kauturan nga padayon nga mangin malapit kay Jehova kag mabuligan man ang ila maistorya sa ministeryo.—Mateo 5:3.