Sang Marso 5, 2023, gin-release ang Bag-ong Kalibutan nga Badbad Sang Cristianong Griegong Kasulatan sa Ronga nga lenguahe sa isa ka special meeting sa National Stadium of Zimpeto, sa Maputo, Mozambique. Gin-release ni Brother Castro Salvado, miembro sang Branch Committee sa Mozambique, ini nga Biblia sa 3,150 ka tumalambong. Amo ini ang una nga face-to-face nga okasyon sa pag-release sang Biblia sa Mozambique sugod sang nag-umpisa ang COVID-19 nga pandemic. Nakabaton sang naimprinta nga kopya sang Biblia ang mga nag-attend sa sini nga okasyon.

Ang Ronga amo ang lenguahe sang mga 618,000 ka tawo kag ginahambal ini sa bilog nga probinsia sang Maputo sa Mozambique. Bisan pa may iban man nga translation sang Biblia sa Ronga, ang pila sa sini nagagamit sang spelling kag mga diacritic nga indi na maintiendihan sang kalabanan nga bumalasa.

Ang isa ka translator nagsiling parte sa pag-release sini nga Biblia: “Nagapasalamat gid ako sa sini nga regalo! Nahibaluan ko nga nalipay gid ang akon mga kauturan nga makabaton sang simple kag mahapos basahon nga Biblia. Mabatian na namon nga direkta nga nagahambal si Jehova sa amon tagipusuon.”

Nalipay gid kita upod sa aton mga kauturan sa sini nga release kag ginapangamuyo naton nga padayon nga pakamaayuhon ni Jehova ang pagbantala sa Ronga nga lenguahe.—Roma 12:15.