Sang Oktubre 2, 2022, gin-release ni Brother David Amorim, miembro sang Branch Committee sa Mozambique ang Bag-ong Kalibutan nga Badbad sa Sena. a Ini nga Biblia gin-release paagi sa narekord na nga daan nga programa, nga gintan-aw sang madamo nga kauturan sa ila Kingdom Hall. Gin-broadcast man ang programa sa estasyon sang telebisyon kag sa 14 ka estasyon sang radyo.

Ang Sena isa ka lenguahe sa Mozambique nga ginahambal sa apat ka probinsia: Sa Manica, Sofala, Tete, kag sa Zambezia. Ginahambal man ang Sena sa pila ka lugar sa Malawi.

Amo ini ang una nga tion nga may gin-translate ang mga Saksi ni Jehova nga kompleto nga Bag-ong Kalibutan nga Badbad sa isa ka nitibo nga lenguahe sa Mozambique. Antes sini nga release, may mga bahin na sang Biblia nga na-translate sa Sena, pero mahal ini kag dinumaan na ang lenguahe.

Nagakalipay kita upod sa mga kauturan naton nga nagahambal sang Sena sa sining espesyal nga pagpakamaayo halin kay Jehova.—Hulubaton 10:22.