Sang Agosto 13, 2023, gin-release ni Brother Charles Fonseca, miembro sang Branch Committee sa Mozambique, ang The Bible—The Good News According to Matthew sa Phimbi nga lenguahe. Amo ini ang pinakauna nga libro sa Biblia nga gin-publish sa Phimbi. Gin-release ini sa 2023 “Mangin Mapinasensiahon”! nga Rehiyonal nga Kombension sa baryo sang Fingoe. May 3,055 nga nag-attend sa sini nga kombension. Nakabaton sang naimprinta nga mga kopya ang mga nag-attend. Puede man sila maka-download sang digital nga kopya sini.

Ang kalabanan nga nagahambal sang Phimbi nagaistar sa western part sang probinsia sa Mozambique nga Tete, malapit sa border sang Zambia. Ginabanta nga sobra 100,000 ka tawo ang nagahambal sang Phimbi. May 897 ka manugbantala sa 20 ka kongregasyon kag 2 ka group nga nagahambal sang Phimbi sa Mozambique. Ang representante sang branch sa Mozambique nagsiling, “Nalipay gid kita nga ang aton mga kauturan nga nagahambal sang Phimbi may ara na sang libro sang Mateo sa Phimbi nga lenguahe.”

Nalipay gid kita upod sa aton mga kauturan nga nagahambal sang Phimbi sa sining manami nga regalo nga nagapasalig sa ila, lakip ang tanan nga “mga malulo” nga tawo, sang promisa ni Jesus nga mga pagpakamaayo sa palaabuton.—Mateo 5:5.