Sugod pa sang 1929, ang mga Saksi ni Jehova aktibo na sa Namibia. Pero, ang ila mga hilikuton sa relihion gin-estriktuhan sang gobierno sang South Africa nga amo ang nagakontrol sa Namibia sadto, base sa mando sang League of Nations. Sa una nga mga tinuig sang dekada ’50 asta sang ulihi nga mga tinuig sang dekada ’70, wala ginpasugtan sang awtoridad ang mga puti nga magkadto sa mga lugar sang mga itom kon wala sila sang permit halin sa gobierno. Gani limitado ang pagsulod sang mga misyonero halin sa iban nga pungsod. Sina nga mga tinuig, naagyan sang mga Saksi ang grabe nga paghingabot halin sa mga lider sang relihion kag sa lokal nga mga awtoridad bangod sa pagsugid sang ila ginapatihan sa iban.

Sang Marso 21, 1990, nakabulag ang Namibia sa pagkontrol sang South Africa. Base sa bag-o nga konstitusyon, nangin mas hilway ang mga Saksi sa ila pagsimba. Sang 2008, ginrehistro sila. Nagapasalamat gid ang mga Saksi ni Jehova sa Namibia kay hilway nila nga mahimo ang mga hilikuton sang ila relihion.