Sang Disiembre 20, 2019, ginpagua ni Brother Wilfred Simmons, nga miembro sang Komite sang Sanga sa Nigeria, ang Bag-ong Kalibutan nga Badbad Sang Cristianong Griegong Kasulatan sa Tiv. Ginpagua ini sa “Ang Gugma Wala sing Katapusan”! nga Rehiyonal nga Kombension nga ginhiwat sa City Bay Event Center sa Makurdi, Benue State, Nigeria.

Tayming gid ang pagpagua sini nga Biblia, nga halos duha ka tuig nga gin-translate. Ang Tiv isa sa mga panguna nga lenguahe sa Nigeria, kag sobra lima ka milyon ang nagahambal sini. Sang nagligad nga tatlo ka tuig, ang 600 ka manugbantala sa mga teritoryo nga nagahambal sang Tiv nangin 1,012.

Sigurado kita nga ining bag-o nga translation makabulig sa pag-uswag sa teritoryo nga nagahambal sang Tiv, nga ‘maputi kag alanihon na.’—Juan 4:35.