Naeksperiensiahan sang Nigeria ang pinakagrabe nga pagbaha sa sulod sang madamo nga tinuig bangod sang indi kinaandan nga kabaskog sang ulan. Ang mga lugar nga naapektuhan gid amo ang mga lugar malapit sa mga baybayon sa south kag ang mga lugar malapit sa mga suba sang Niger kag Benue. Naguba ang mga dalan kag mga taytay, sobra isa ka milyon ka tawo ang nagbakwit, kag indi magnubo sa 600 ang napatay. Ang National Emergency Management Agency sa Nigeria nagsiling nga “grabe gid” ini nga kalamidad. Naghambal ang mga awtoridad nga ini nga kalamidad magaresulta sa krisis sa pagkaon.

• Wala sang kauturan nga napatay

• 4,074 ka kauturan ang nagbakwit

• 900 ka balay ang ginabahaan gihapon

• 180 ka balay ang naguba

• 70 ka Kingdom Hall kag 1 ka Assembly Hall ang ginbahaan

• 4 ka Disaster Relief Committee ang gin-asayn

• Ang nagbakwit nga mga kauturan ginpangitaan sang dalayunan, ginhatagan sang pagkaon, kag sang iban pa nila nga mga kinahanglanon

• Ang mga gulang kag ang mga manugtatap sang sirkito nagabuligay sa pag-shepherding kag paghatag sang praktikal nga bulig sa mga nabahaan

• Ang tanan nga pagbulig ginahimo samtang ginasunod ang safety protocol nga ginapatuman bangod sa COVID-19

Nagapasalamat gid kita nga bisan nagakabuhi kita sa mabudlay nga mga tion, si Jehova padayon nga nagahatag sa iya katawhan sing “palasilungan sa adlaw sang kagamo,” paagi sa paghatag sang ila mga kinahanglanon kag pagpalig-on sa ila.—Salmo 27:5.