Sang Oktubre 21, 2024, grabe gid ang halit nga dala sang Bagyo Kristine a sa bilog nga Pilipinas. Samtang nagapakadto ang bagyo sa norte nga bahin sang pungsod, nagbaskog pa gid ang hangin sini nga naglab-ot sa 160 ka kilometro kada oras. Grabe ang pagbaha kag mga landslide bangod sa mabunok nga ulan kag mabaskog nga hangin. Gani nagkalaguba ang mga balay kag mga alagyan kag nadulaan sang kuryente kag tubig ang mga tawo. Sobra anom ka milyon ka tawo ang nagaistar sa lugar nga naapektuhan sang bagyo kag mga isa ka milyon ka tawo ang nagbakwit. Indi magnubo sa 126 ka tawo ang napatay.

• Makapasubo nga may isa ka sister nga napatay

• 747 ka manugbantala ang nagbakwit

• 7 ka balay ang nawasak

• 24 ka balay ang may daku nga guba

• 128 ka balay ang may gamay nga guba

• 8 ka Kingdom Hall ang may gamay nga guba

• Ang mga manugtatap sang sirkito kag ang mga gulang nagahatag sang paumpaw halin sa Biblia kag sang praktikal nga bulig sa mga kauturan nga naapektuhan sang bagyo

• May gin-asayn nga 5 ka Disaster Relief Committee para magdumala sang pagbulig

Nasubuan gid kita bangod may utod kita nga napatay kag sa halit nga dala sining mabaskog nga bagyo. Pero, makapaumpaw gid ang paglaum nga ginpromisa sang Biblia nga sa indi madugay, ini nga mga butang permanente na nga dulaon.—Isaias 25:8.