AGOSTO 5, 2024
PHILIPPINES
Grabe nga Pagbaha sa Madamo nga Lugar sa Pilipinas Bangod sang Bagyo nga Carina
Sang katapusan nga mga inadlaw sang Hulyo 2024, naporma ang Bagyo nga Carina a sa western Pacific Ocean. Bisan pa ining makusog nga bagyo wala nag-landfall sa Pilipinas, grabe nga ulan ang dala sini. Nagresulta ini sa daku nga kahalitan, pagbaha, kag landslide sa kapital nga siudad nga Manila kag sa iban pa nga mga lugar sa palibot sini. Mga 4.8 ka milyon ka tawo ang naapektuhan. Sobra 600,000 ang nagbakwit, kag indi magnubo sa 39 ang napatay.
Epekto sa Aton mga Kauturan
Wala sang utod nga napatay ukon nasamaran
155 ka manugbantala ang nagbakwit, pero ang kalabanan sa ila nagbalik na sa ila mga balay
2 ka balay ang nawasak
11 ka balay ang may daku nga guba
42 ka balay ang may gamay nga guba
11 ka Kingdom Hall ang may gamay nga guba
Pagbulig
6 ka Disaster Relief Committee ang gin-asayn para magdumala sang pagbulig
Ang mga manugtatap sang sirkito kag ang mga gulang nagahatag sang paumpaw halin sa Biblia kag praktikal nga bulig sa mga naapektuhan sang pagbaha
Sa wala: Mga utod nga nagapreparar sang mga relief supply (sa ibabaw) kag mainom nga tubig (sa ubos) para sa mga nagakinahanglan sini
Sa tuo: Isa ka brother nga naga-deliver sang mga supply sa isa ka sister nga naapektuhan sang pagbaha
Padayon naton nga ipangamuyo ang tanan nga naapektuhan sini nga bagyo. Nagapasalamat kita nga si Jehova amo ang ‘kalig-unan sang aton mga tion’ samtang ginasuportahan niya kag ginaatipan ang aton mga kauturan.—Isaias 33:6.
a Gaemi ang internasyonal nga ngalan sini nga bagyo.
Tan-awa Man
MGA PIRME GINAPAMANGKOT
Nagabulig Bala ang mga Saksi ni Jehova sa Tion sang Kalamidad?
Hibalua kon paano kami nagabulig sa tion sang kalamidad sa mga Saksi kag sa iban.