Sang Disiembre 29, 2018, nag-landfall ang bagyo nga Usman sa Samar, ang ikatlo sa pinakadaku nga isla sa Pilipinas. Bangod sang mabaskog sini nga ulan, nagresulta ini sa mga landslide kag baha. Indi magnubo sa 25 ka tawo ang napatay kag 42 ang nasamaran. Kag sa kabilugan 22,835 ka balay ang nagguba.

Base sa report sang sanga sa Pilipinas, wala sing utod nga napatay bangod sini nga bagyo. Pero, tatlo ka balay sang aton utod ang nawasak gid, kag apat ang may diutay nga guba. Dugang pa, isa ka Kingdom Hall ang nagguba. Sa idalom sang panuytoy sang sanga, ang Disaster Relief Committee nag-aman sing bulig kag temporaryo nga ilistaran para sa mga pamilya nga naapektuhan.

Sigurado gid kita nga ang aton kauturan nga naapektuhan sini nga bagyo padayon nga magasalig kay Jehova, bangod nahibaluan nila nga handa sia magbulig sa ila para mangin malig-on sila kag mabakod.—1 Pedro 5:10.