Sugod sang Oktubre 16, 2019, gintay-ug sang mabaskog nga mga linog ang nabagatnan sang Pilipinas. Beinte-uno ang napatay, sobra 400 ang nasamaran, kag sobra 35,000 ang nagbakwit. Indi magnubo sa tatlo sining mga linog ang may magnitude nga sobra 6.0. Padayon gihapon ang mga aftershock sa lugar. Wala sang kauturan naton nga napatay, pero isa naton ka sister ang nasamaran.

Apat ka Kingdom Hall kag 195 ka balay sang aton mga kauturan ang naguba gid; 9 naman ka Kingdom Hall kag 351 ka balay ang nahalitan. Madamo nga kauturan ang nagaistar subong sa mga tent kay delikado na nga istaran ang ila mga balay.

Ang branch sa Pilipinas nag-asayn na sang duha ka Disaster Relief Committee para maghatag sang bulig. Anom ka representante sang branch, lakip ang tatlo ka miembro sang Komite sang Sanga, ang nagbisita na sa mga nalinugan para maghatag sang pagpalig-on halin sa Biblia.

Ginapangamuyo naton nga padayon nga buligan ni Jehova ang aton mga kauturan nga nalinugan.—Salmo 70:5.