Sang Disiembre 2, 2019, ang Bagyo Kammuri, nga ginatawag man nga Bagyo Tisoy, nag-landfall sa Bicol sa bagatnan sang Luzon. Bisan pa wala sang bisan isa sa mga Saksi ni Jehova nga napatay ukon nasamaran, 108 ka balay sang Saksi nga mga pamilya ang naguba kag 478 ang nahalitan. Dugang pa, 15 man ka Kingdom Hall ang nahalitan.

Bangod grabe gid ang halit sang bagyo, ang branch sa Pilipinas nagporma sang walo ka Disaster Relief Committee para maghatag sang espirituwal kag materyal nga bulig sa mga kauturan.

Ginapangamuyo naton ang aton mga kauturan sa Pilipinas, kag ginapangabay man naton ang pareho sa ginpangabay sang salmista: “Kabay nga sabton ka ni Jehova sa adlaw sang kalisdanan. . . . Kabay nga padalhan ka niya sing bulig halin sa balaan nga duog.”—Salmo 20:1, 2.