AGOSTO 26, 2021
RUSSIA

Amay nga May Duha ka Bata Mahimo Mapriso sing 15 ka Tuig Bangod sa Iya Pagtuo

I-PLAY

Time Line

Sang Disiembre 24, 2021, nagdesisyon ang Uray City Court of the Khanty-Mansi Autonomous Area—Yugra, nga guilty si Brother Andrey Sazonov kag ginmultahan sia sing 500,000 rubles ($6,785 U.S.). Antes sini, sentensiahan sia tani nga mapriso sing 15 ka tuig. Nasubuan kita nga guilty ang desisyon sa iya, pero maayo lang kay indi sia mapriso
Hunyo 22, 2020

Ginsugdan ang pag-hearing sa kaso ni Andrey
Agosto 22, 2019

Gintapos na ang pag-house arrest sa iya pero may ginapatuman gihapon ang korte nga restriksion sa iya pagbiyahe kag sa iya iban pa nga hilikuton
Pebrero 26, 2019

Gin-house arrest na lang sia
Pebrero 6, 2019

Ginbutang sia sa temporary holding facility, kag pagligad sang duha ka adlaw, sa tapos nga ginhalughog ang iya ulubrahan kag salakyan, ginbutang sia sa pretrial detention center
Enero 31, 2019

Ginkasuhan sia sing “pag-organisar kag pagpakigbahin sa mga hilikuton sang isa ka extremist nga organisasyon”

Impormasyon Parte sa Iya

Andrey Sazonov

Natawo: 1980 (Moscow)

Biograpiya: Administrador sia sang isa ka daku nga heating company. Sang 2002, napangasawa niya si Viktoria, nga isa ka English teacher. May duha sila ka bata. Ang babayi si Irina (Ira) kag ang lalaki si Vyacheslav (Slava)

Nagtuon sia sing Biblia upod sa mga Saksi ni Jehova sang mga 1990, kag nabawtismuhan sang 1997

Ang Iya Ginsiling

Ano ang pinakamabudlay nga naeksperiensiahan mo?

Siguro ang pinakamabudlay para sa akon amo ang tion nga ginbulag ako sa akon mga pinalangga kag wala ako sing mahimo para buligan sila. Nabalaka ako kon paano mabatas sang akon pamilya ini nga kabudlayan. Nabalaka man ako para sa mga kauturan kay indi man lang amon balay ang gin-raid.

Ano ang nakabulig sa imo nga mangin positibo sang ara ka sa pretrial detention?

Maathag sa akon nga indi ko kontrolado ang matabo sa detention. Wala ko kabalo sang sunod nga matabo. Kis-a gulpi lang mabukas ang puertahan sang selda kag kon diin na naman nila ako dal-on. Gani dapat ko ipakita ang husto nga panimuot sa sini. Sang amo sini ang nagakatabo sa akon, nadumduman ko ang Roma 12:21 nga nagasiling: “Indi ka magpadaug sa malaut, kundi padayon nga dauga ang malaut paagi sa maayo.” Madamo nga beses ko nga napamatud-an nga maayo gid ang resulta kon sundon ko ini nga prinsipio. Gani, nagdesisyon ako nga bisan ano man ang pagtrato sa akon, ipakita ko gid ang kaayo. Gintinguhaan ko nga mangin maayo kag matinahuron sa tanan. Gintinguhaan ko man nga indi maakig sa mga nagahingabot sa akon. Kon pakitaan ko sila sing kaayo, nagabag-o ang ila reaksion. Nagapalipay gid ini sa akon!

Antes pa naeksperiensiahan sang amon pamilya ini nga kabudlayan, ginsaulo ko na ang duha ka kanta nga “Never Give Up” kag “Hatagi ’Ko Kaisog.” Nanamian gid ako sa sini nga mga kanta. Pirme ko ini ginakanta sang ara ako sa prisuhan. Napalig-on gid ako sini kag napabakod nga padayon nga magbatas.

Ano ang malaygay mo sa iban kon paano gamiton ang ila tion para makahanda engkaso nga hingabuton man sila?

Himua ninyo ang tanan para pabakuron ang inyo relasyon kay Jehova subong. Mangin masako pirme sa hilikuton ni Jehova. . . . Kay kon masako kamo pirme sa paghimo sang mga butang nga nagapalipay kay Jehova, wala na kamo sang tion para sa mga butang nga makapaluya sang inyo pagtuo.

Ginapasalamatan gid naton ang maayo nga halimbawa sang aton mga kauturan sa Russia bisan pa nga padayon ang paghingabot sa ila. Nagasalig kita nga padayon sila nga hatagan ni Jehova sing “kaisog kag kusog.”—Salmo 138:3.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE