ABRIL 25, 2023
RUSSIA

“Ang Kalipay Amo ang Nagapahulag sa Akon nga Magpadayon”

I-PLAY

Sa indi madugay, ipahibalo sang Zavodskiy District Court of Kemerovo ang desisyon sini sa kaso ni Brother Vladimir Baykalov. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Vladimir Baykalov

Natawo: 1963 (Krapivinskiy, Kemerovo Region)

Biograpiya: Isa sia ka professional boxer antes sia nangin isa sa mga Saksi ni Jehova. Sang ulihi, nangin isa sia ka athletics trainer kag nagdumala sia sang isa ka sports stadium

Napangasawa nya si Irina sang 1984. May isa sila ka bata nga lalaki kag isa ka bata nga babayi

Nag-Bible study si Irina sang 1995 kag nabawtismuhan sia sang 1996. Nakita ni Vladimir ang manami nga epekto sa iya pamilya sang pagsunod sa mga prinsipio sa Biblia. Sang na-injured si Vladimir nag-untat sia sa iya athletic career. Dayon, ginpamensaran niya ang parte sa kabuhi kag nagpa-Bible study. Nabawtismuhan sia sang 1999

Ang Iya Ginsiling

Ano nga kinaiya ang nakabulig sa imo nga makabatas?

Ang kalipay amo ang nagapahulag sa akon nga magpadayon kag nagabulig para indi madula ang akon handum. Gani, ginatinguhaan ko gid nga mangin masako pirme para indi madula ang akon kalipay. Kag siempre, ginapamalandungan ko gid ang matahom nga palaabuton nga ginpromisa ni Jehova. Bangod sini, nangin malipayon ako gihapon bisan pa sa akon mga hearing sa korte.

Ano nga teksto sa Biblia ang nakapaumpaw sa imo?

Sa Marcos 13:11, ginsugid ni Jesus kon ano ang dapat naton himuon kon mag-atubang kita sa mga opisyal sa korte: “Indi kamo magkabalaka kon ano ang inyo ihambal; apang kon ano ang ihatag sa inyo sa sina nga tion, ihambal ini, kay indi kamo ang nagahambal, kundi ang balaan nga espiritu.” Sa una ko nga hearing, ginhatagan ako sang tsansa sang judge nga sabton ang mga akusasyon sa akon. Ginkulbaan gid ako. Pero, sa bulig sang espiritu ni Jehova, nakahambal ako sa kalmado kag matinahuron nga paagi. Nabatyagan ko gid ang sabat ni Jehova sa akon mga pangamuyo kay ginbuligan niya ako nga mangin determinado kag maisog.

Nagasalig kita nga padayon nga pabakuron ni Jehova ang tanan niya nga matutom nga mga alagad para mangin malipayon sila gihapon bisan pa may ginabatas nga mga kabudlayan.—Santiago 1:2, 3.

Time Line

Pebrero 2, 2022

Ginsugdan ang kaso
Pebrero 3, 2022

Gin-raid ang iya nga apartment
Oktubre 26, 2022

Ginkasuhan sia kag ginbutangan sing restriksion ang iya pagbiyahe
Nobiembre 30, 2022

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE