DISIEMBRE 9, 2022
RUSSIA

“Ang Padayon nga Pagpangamuyo Amo ang Nakabulig sa Akon”

I-PLAY

Sa indi madugay, ipahibalo sang Metallurgicheskiy District Court of Chelyabinsk ang desisyon sini sa kaso ni Sister Irina Mikhaylenko. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Irina Mikhaylenko

Natawo: 1969 (Chelyabinsk, Chelyabinsk Region)

Biograpiya: Direktor sia kag cofounder sang isa ka law firm

Ang katumanan sang mga tagna sa Biblia kag ang praktikal nga mga prinsipio sini amo ang nagpainteres sa iya sa Biblia. Nabawtismuhan sia bilang isa sa mga Saksi ni Jehova sang 1997

Ang Iya Ginsiling

Ano ang nakabulig sa imo para mangin malinong ang imo panghunahuna?

Nabuligan ako sang halimbawa ni Jesus nga wala untat nga nagapangamuyo sang grabe gid ang kabug-atan nga iya ginabatyag sa hardin sang Getsemane. Bisan pa ginpabakod na sia sang anghel, padayon sia gihapon nga nagpangamuyo. (Lucas 22:41-44) Kon nabalaka ako ukon nahadlok, ang padayon nga pagpangamuyo amo ang nakabulig sa akon.

Dugang pa, nanamian ako sang ginsiling ni Brother Dmitriy Mikhaylov nga ginkasuhan man. Sia nagsiling sa iya interbyu: “Kon pirme lang kita nagapokus sa aton kabuhi sang una, mas labi lang kita nga mabudlayan. Pero kon mag-adjust kita dayon sa aton bag-o nga sitwasyon, mangin malipayon kita liwat kag makita naton nga puede gihapon naton maalagad si Jehova kag mabuligan ang iban.” Ginpamensar ko gid ini sing maayo, kag sang ginsunod ko ini nga laygay nangin malipayon gid ako kag nakabulig ini sa akon nga himuon ang mga butang nga puede ko himuon.

Napalig-on gid kita sang katutom kag pagsalig ni Irina kay Jehova, nga padayon nga nagaamlig sang “kabuhi sang mga mainunungon sa iya.”—Salmo 97:10.

Time Line

Marso 26, 2019

Gin-raid ang balay sang pulo ka pamilya sang mga Saksi ni Jehova sa Chelyabinsk, lakip ang balay ni Irina
Agosto 31, 2021

Ginsugdan ang kaso
Oktubre 22, 2021

Gin-raid liwat ang iya balay. Gindala para interogahon. Ginbutangan sing restriksion ang iya pagbiyahe
Oktubre 27, 2021

Ginkasuhan nga nagaentra sa mga hilikuton sang gin-ban nga relihioso nga organisasyon
Septiembre 7, 2022

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE