ENERO 4, 2022
RUSSIA

Ang Paghanda kag ang Paglaum Nakabulig kay Brother Pyotr Krupnov kag sa Iya Asawa nga si Maya

I-PLAY

Time Line

Disiembre 30, 2021

Nagdesisyon ang Nikolskiy District Court of the Penza Region nga guilty si Brother Pyotr Krupnov kag ang iya asawa nga si Maya, kag ginsentensiahan sila sang tatlo ka tuig nga suspended prison. Indi nila kinahanglan nga mapriso sini nga tion
Oktubre 25, 2021

Gin-umpisahan ang hearing
Oktubre 12, 2021

Ginlakip sa listahan sang mga terorista kag mga extremist sanday Pyotr kag Maya kay ginsugid nila sa ila mga abyan ang parte sa ila relihion
Septiembre 15, 2021

Ginpasakaan sing kaso si Maya. Sang ulihi ginkasuhan man si Pyotr
Oktubre 11, 2020

Gin-raid sang mga security agent ang mga balay sang apat ka pamilya sang mga Saksi ni Jehova sa Nikolsk, pati ang puluy-an sang mga Krupnov

Impormasyon Parte sa Ila

Pyotr Krupnov

Natawo: 1963

Biograpiya: Nagaobra sia bilang plumber. Nagtuon sia sang Biblia upod sa mga Saksi ni Jehova sang 1996. Pagkatapos mabasa ang aton literatura kag makita ang paggawi sang naga-conduct sa iya sang pagtuon sa Biblia, nakumbinsi sia nga nasapwan na niya ang kamatuoran. Nabawtismuhan sia sang 2002

Nakilala niya si Maya sa miting sang kongregasyon. Nagpakasal sila sang 2008

Ang Iya Ginsiling

Madumduman mo bala ang isa ka sitwasyon nga ginbuligan ka ni Jehova?

Nadumduman ko [isa ka bes] sang nangamuyo ako para sa balaan nga espiritu kag nadumduman ko ang Juan 10:28, nga nagasiling: “Wala sing magaagaw sa ila sa akon kamot.” Nagbakod ako kag nalipay sang ginpamensar ko ini nga teksto. Nahibaluan ko nga ginabantayan ako kag ginabuligan sang akon Amay. Gani nangin kalmado ako kag mas may kompiansa.

Ano ang nakabulig sa imo nga makabatas?

Ginadumdom ko pirme nga bisan ano pa kabudlay sang aton mga pagtilaw, walawala ini kon ipaanggid [sa pribilehiyo] sa pag-alagad kay Jehova kag sa kabuhi nga wala sing katapusan sa paraiso. Ang akon gugma sa Dios kag sa akon isigkatawo amo ang nagahatag sa akon sing kusog nga maatubang ang akon mga pagtilaw.

Maya Krupnova

Natawo: 1957 (Atasu, Kazakhstan)

Biograpiya: Nag-obra bilang pastry chef. Retirado na sia subong kag nanamian manghardin

Nakilala niya ang mga Saksi ni Jehova sa iya bata nga babayi. Nabawtismuhan sila sang 2001

Ang Iya Ginsiling

Ano ang imo ginhimo para makahanda ka sa sining mga pagtilaw?

Nagsugod ako sa paghanda sang gin-aresto ang aton mga kauturan [sa pihak nga siudad]. Ginbasa ko ang libro sang Biblia nga Ester kag Jeremias. . . . Pirme ko ginabasa ang mga report sa aton website kag ginsaulo ko ang aton mga kanta. Naghanda ako sang “go bag” para sa mga emerhensia kag sang isa pa gid ka bag nga dal-on ko sa prisuhan. . . . Nagpangamuyo ako sang kaalam kag kaisog para mabatas ko ini nga mga pagtilaw.

Paano ka ginasuportahan sang mga kauturan?

Tanan sila nagapalig-on sa akon, ilabi na kon kinahanglan ko gid ini. Sang ginaluyahan ako sang buot, gintawgan ako kag ginsulatan sang mga kauturan, kag ginpasalig nga palangga nila ako. . . . Sadto pa, bal-an ko na nga may isa ako ka daku kag mahigugmaon nga pamilya. Pero mas nga nabatyagan ko gid ini halin sang 2020.

Nalipay kita sa halimbawa nanday Pyotr kag Maya kay padayon sila nga nagasalig kag nagalaum kay Jehova.—Hebreo 6:19.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE