MAYO 18, 2022
RUSSIA
Ang Paglaum Naton sa Palaabuton Nagabulig sa mga Kauturan nga Magbatas
Sa indi madugay, ipahibalo sang Blagoveshchensk City Court of the Amur Region ang desisyon sini sa kaso nanday Brother Sergey Afanasiyev, Brother Sergey Kardakov, a Brother Anton Olshevskiy, Brother Adam Svarichevskiy, kag Brother Sergey Yermilov. Wala pa sing may ginsiling ang piskal kon ano nga sentensia ang gusto niya sa sini nga kaso.
Time Line
Hulyo 20, 2018
Gin-raid sang mga awtoridad ang balay nanday Brother Afanasiyev, Brother Olshevskiy, kag Brother Svarichevskiy
Oktubre 21, 2019
Ginkasuhan sanday Brother Yermilov kag Brother Olshevskiy kay nag-entra sila sa isa ka relihioso nga okasyon. Suno sa mga opisyal ini nga okasyon “makatalagam para sa komunidad”
Septiembre 10, 2020
Ginkasuhan si Brother Svarichevskiy. Gin-akusar sia nga nag-upod kanday Brother Olshevskiy kag Brother Yermilov sa paghimo sang mga hilikuton sang isa ka gin-ban nga relihioso nga organisasyon
Septiembre 18, 2020
Si Brother Afanasiyev gindugang sa mga ginpasakaan sing kaso
Septiembre 24, 2020
Gin-raid ang apartment ni Brother Kardakov. Gindugang sia sa mga ginpasakaan sing kaso kag gin-akusar nga ginaguba niya ang kahim-ong kag seguridad sang pungsod paagi sa pagbasa sang Biblia kag pagpangamuyo kay Jehova nga Dios
Marso 12, 2021
Ginkasuhan pa gid si Brother Olshevskiy sang pag-organisar sang mga miting sang gin-ban nga relihion kag pag-organisar sang pagbantala nga hilikuton
Oktubre 21, 2021
Ginsugdan ang hearing
Impormasyon Parte sa Ila
Ining aton mga brother nagapakita sang maayo nga halimbawa kay ginapokus nila ang ila mga mata indi sa temporaryo nga paghingabot nga ila ginaatubang kundi sa wala katapusan nga padya nga ginatigana para sa mga nagasalig kay Jehova.—2 Corinto 4:17, 18.