Sa indi madugay, ipahibalo sang Mayskiy District Court of the Kabardino-Balkarian Republic ang desisyon sini sa kaso ni Brother Kirill Gushchin. Wala pa sing may ginsiling ang piskal kon ano nga sentensia ang gusto niya sa sini nga kaso.

1. Mayo 20, 2020

   Ginlibutan si Kirill sang armado kag may tabon ang guya nga mga FSB officer sang naggua sia sa ila balay para magkadto sa obra. Ginpusasan nila sia kag gindala pauli sa iya apartment. Sia kag ang iya asawa nga si Svetlana, ginpatener sa isa ka kuarto sa ila apartment samtang gina-raid ini. Ginbutangan sang isa ka officer sang planted nga gin-ban nga mga publikasyon ang kuarto sang mag-asawa kag ang isa pa ka kuarto

2. Abril 26, 2021

   Gin-akusar sang awtoridad si Kirill base sa testimonya sang isa ka indibiduwal nga sekreto nga nagrekord sang mga miting. Gin-akusar sia sang imbestigador nga nagakanta kag nagapangamuyo kag nagaistorya parte sa praktikal nga laygay sang Biblia sa 1 Corinto 13:8 nga nagasiling: “Ang gugma wala sing katapusan.”

3. Abril 28, 2021

   Pormal nga ginkasuhan sang mga awtoridad si Kirill. Ginkasuhan man si Svetlana kag ang apat pa ka sister

4. Mayo 19, 2021

   Ang isa sa mga FSB officer nga nadalahig sa kaso—nga napamatud-an sadto nga guilty sang paghimuhimo sang sala nga ebidensia batok sa mga Saksi ni Jehova—ginsumbong nga nagapamahog sang mga testigo. Ang opisyal sang Investigative Department nagmando nga ibalik ang kaso sa piskal para sa dugang nga imbestigasyon

5. Hunyo 7, 2021

   Ginbuksan liwat sang mga awtoridad ang kaso kag ginpasaka ini sa Mayskiy District Court

Pareho kay Kirill, nagasalig kita nga si Jehova mangin “malig-on nga dalangpan sa tion sang kagamo” para sa iya kag para sa tanan naton nga kauturan nga nagabatas sang paghingabot sa Russia kag sa Crimea.—Salmo 9:9, 10.