AGOSTO 10, 2022
RUSSIA

Ang Pagpasalamat Nagpabakod kay Viktor Shayapov Para Magbatas sing Malipayon

I-PLAY

Sa indi madugay, ipahibalo sang Nikolskiy District Court of the Penza Region ang desisyon sini sa kaso ni Brother Viktor Shayapov. Wala pa sang may ginsiling ang piskal kon ano nga sentensia ang gusto niya sa sini nga kaso.

Time Line

Agosto 19, 2021

Ginsugdan ang kaso. Ginkasuhan sia nga nagaentra sa hilikuton sang mga extremist
Pebrero 5, 2022

Ginkuestyon sia sang mga pulis. Sina man nga adlaw gin-raid sang mga pulis ang iya balay. Dayon, gin-detain sia kag gindala sa Penza, nga mga 740 ka kilometro ang kalayuon
Pebrero 6, 2022

Ginbutang sia sa isa ka temporary detention center
Pebrero 8, 2022

Ginpagua sa temporary detention pero gin-house arrest sia gihapon
Marso 28, 2022

Ginsugdan ang hearing

Impormasyon Parte sa Iya

Viktor Shayapov

Natawo: 1989 (Kamenka, Moscow Region)

Biograpiya: Nag-obra sia bilang mekaniko. Nag-obra sia sa post office bilang alternative civilian service imbes nga magsoldado

Napangasawa niya si Yekaterina sang 2010

Naga-Bible study na si Yekaterina upod sa mga Saksi ni Jehova sang magkilalahay sila ni Viktor. Nasabat gid ang mga pamangkot ni Viktor parte sa kon ngaa nagaantos ang mga tawo. Gani, nag-Bible study man sia. Dungan sila nga nabawtismuhan sang 2008

Ang Iya Ginsiling

Ano ang nakabulig sa imo nga makapabilin nga positibo bisan pa sa sining mabudlay nga mga tion?

Una, natun-an ko nga panilagan ang kaayo ni Jehova bisan sa magagmay nga mga butang, pareho sang manamit nga pagkaon, mga pispis nga nagalupad, ukon ang mabugnaw nga dapya sang hangin. Bangod sini, pirme ko man ginapasalamatan ang iya kaayo. Bangod ginahimo ko ina, nangin positibo ako pirme kag indi ko malipatan nga palangga ako ni Jehova.

Ang isa pa nga nakabulig sa akon amo ang halimbawa kag mga panugda sang akon abyan nga nakaeksperiensia na sang paghingabot. Ginsilingan niya ako nga dapat ko gid batuan ang pagbatyag nga biktima ako. Kay kon nahadlok kita, gamiton ini sang aton kaaway para kontrolon kita.

Nakabulig man sa akon ang Filipos 1:29: “Kay ginhatagan kamo sing pribilehiyo, indi lamang sa pagtuo sa Cristo, kundi sa pag-antos man tungod sa iya.” Ini nga teksto nakabulig gid sa akon nga makabatas kag nagpahanumdom sa akon nga daku gid nga pribilehiyo nga makapanaksi ako sa sini nga paagi.

Nagapasalamat gid kita nga ang paghidait nga ara sa aton paagi sa mahigugmaon nga kaayo ni Jehova magabantay sang aton tagipusuon kag hunahuna sa tion sang paghingabot.—Filipos 4:7.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE