ENERO 13, 2022
RUSSIA

Ang Pagsalig kay Jehova Nakabulig kay Brother Yevstigneev nga Mangin Matutom

I-PLAY

Time Line

Sa indi madugay, ipahibalo sang Leninskiy District Court of the City of Nizhny Novgorod ang desisyon sini sa kaso ni Brother Kirill Yevstigneev. Wala pa sing may ginsiling ang piskal kon ano nga sentensia ang gusto niya sa sini nga kaso
Oktubre 8, 2021

Ginsugdan ang pag-hearing. Ginpaathag ni Kirill sa judge nga ang pagtinipon isa ka okasyon, kag indi relihioso nga pagtinipon
Agosto 24, 2021

Wala si Kirill gintugutan nga magbiyahe
Septiembre 2, 2020

Ginpasakaan sang kaso si Kirill bangod sia “ang naggasto sa extremist nga mga hilikuton” kay sia ang nag-arkila sang conference room
Hulyo 11, 2019

Nagpokus ang awtoridad kay Kirill kay sia ang nagpirma sang kontrata sa pag-arkila sang conference room; gin-raid ang iya puluy-an
Hunyo 4, 2019

Gin-umpisahan sang awtoridad ang pag-imbestigar sa pila ka tawo bangod sa pagtinipon
Abril 2019

Gin-arkilahan ni Kirill kag sang pila ka Saksi ni Jehova sa Nizhny Novgorod ang isa ka conference room para sa isa ka okasyon

Impormasyon Parte sa Iya

Kirill Yevstigneev

Natawo: 1979 (Nizhny Novgorod)

Biograpiya: Nagapangkay-o kag nagamentinar sang mga air compressor. Natun-an niya ang kamatuoran sa iya iloy. Nanamian sia sa maayo nga mga kinaiya sang mga Saksi sa kongregasyon. Nabawtismuhan sia sang 1998. Napangasawa niya si Anastasiya sang 2002

Ang Iya Ginsiling

Ano nga mga rekord sa Biblia ang nagapalig-on sa imo subong?

Si Jose, ang anak ni Jacob, nakaeksperiensia sing mas grabe nga mga pagtilaw sangsa akon ginaatubang, pero nagbatas sia kag nagsalig kay Jehova. Ang halimbawa ni Jose kag ang ihibalo kon paano ginasolbar sang Dios ang mga problema amo ang nagbulig sa akon nga indi mangampo.

Ano ang natun-an mo parte kay Jehova bangod sa sini nga eksperiensia?

Ang ngalan ni Jehova nagapahangop nga mapahimo niya sa iya mga alagad ang bisan ano para matuman ang iya katuyuan. Paagi sa iya bulig, mahimo naton ang mga butang nga abi ta indi naton masarangan.

Natun-an ko kon daw ano ka importante ang pagsalig kay Jehova. . . . Sa baylo nga hunahunaon ko kon ano nga paghingabot ang maeksperiensiahan ko, ginapamensar ko kon paano ko mapakita ang pagtuman kay Jehova kag ang akon gugma sa mga kauturan. Sa bulig ni Jehova, mabatas ko ang bisan ano man nga paghingabot nga maeksperiensiahan ko.

Nagadugang ang aton pagsalig bangod sa ginpakita nga kaisog ni Kirill, sang iya asawa, kag sang aton matutom nga mga kauturan nga ginahingabot sa Russia kag sa Crimea.—Filipos 1:13, 14.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE