Ang kaso batok kay Dennis Christensen sa Zheleznodorozhniy District Court of Oryol, natapos na, kag ang hukom nagsiling nga ipahibalo ang pamatbat sa Mierkoles, Pebrero 6, 2019.

Si Brother Christensen ginpriso sugod sang gin-aresto sia sang Mayo 25, 2017. Ang pagbista sa iya kaso ginsugdan sang Pebrero 19, 2018. Ang piskal nagapangabay nga prisuhon si Brother Christensen sing anom ka tuig kag tunga kon mapamatud-an nga nakasala sia.

Bisan pa nga napriso na sia sing sobra 20 ka bulan, si Brother Christensen positibo gihapon kag bug-os nga nagasalig kay Jehova kag nagapasalamat man sia sa pangamuyo sang mga kauturan sa bilog nga kalibutan.—2 Tesalonica 3:1, 2.