Sa indi madugay, ipahibalo sang Pechora City Court of the Komi Republic ang desisyon sini sa kaso nanday Brother Nikolay Anufriyev, Brother Eduard Merinkov, Brother Gennadiy Polyakevich, Brother Aleksandr Prilepskiy, Brother Viktor Shchannikov, Brother Gennadiy Skutelets, kag Brother Aleksandr Vorontsov. Wala pa sing ginsiling ang piskal kon ano nga sentensia ang gusto niya sa sini nga kaso.

1. Enero 28, 2020

   Gin-raid sang mga awtoridad ang mga puluy-an sang 12 ka pamilya sang mga Saksi ni Jehova sa Komi Republic. Ginpasakaan sing kaso sanday Brother Polyakevich kag Brother Skutelets

2. Enero 30, 2020

   Ginpriso sa pretrial detention center si Gennadiy Polyakevich, kag gin-house arrest si Gennadiy Skutelets

3. Mayo 20-25, 2020

   Gin-interogar man sang mga awtoridad ang iban nga Saksi sa Pechora kay nagapangita sila sang mga witness sa sini nga kaso. Ang isa ka brother na-stroke pagkatapos nga ginpahog sia sang imbestigador. Nakarekober na sia subong

4. Hunyo 26, 2020

   Ginpalawig ang pag-detain kay Gennadiy Polyakevich. Ang judge nagsiling nga gin-akusar si Gennadiy Polyakevich sang “hungod nga paghimo sang daku nga sala,” lakip ang pag-istorya parte sa “padayon nga pag-alagad kay Jehova bisan ginahingabot sang mga awtoridad”

5. Agosto 24, 2020

   Gin-raid sang mga awtoridad ang puluy-an sang 12 pa gid ka pamilya sang mga Saksi

6. Nobiembre 10, 2020

   Ginpasakaan sing kaso sanday Aleksandr Prilepskiy, Aleksandr Vorontsov, Eduard, Nikolay, kag Viktor. Ginlakip ini sa kaso nanday Gennadiy Polyakevich kag Gennadiy Skutelets

7. Nobiembre 25, 2020

   Pagkatapos sang 300 ka adlaw sa pretrial detention center, ginpagua si Gennadiy Polyakevich pero gin-house arrest sia gihapon

8. Enero 27, 2021

   Pagkatapos sang 363 ka adlaw, gin-untat ang pag-house arrest kay Gennadiy Skutelets

Nagasalig gid kita nga ang pagtuo sang aton mga kauturan sa kaayo ni Jehova pagapadyaan gid subong kag sa palaabuton.—Salmo 27:13.