Subong sa nareport na, sang Mayo 23, 2019, ginsuportahan sang Oryol Regional Court ang sentensia nga prisuhon si Dennis Christensen. Gani, mapriso si Brother Christensen sing anom ka tuig. Bangod napriso na sia sing duha ka tuig bisan wala pa sia mabista, nga suno sa kasuguan sang Russia katumbas sa tatlo ka tuig nga pagkapriso, may tatlo pa ka tuig nga nabilin sa iya sentensia. Sang gab-i sang Hunyo 6, 2019, si Brother Christensen ginsaylo sa penal colony para sugdan ang iya sentensia. Ang aplikasyon sa desisyon sa kaso kriminal ni Brother Christensen iapelar sa European Court of Human Rights (ECHR). Nagpadala na sia sing aplikasyon nga nagapangabay sa ECHR nga ideklarar nga indi makatarunganon ang pagpriso sa iya bisan wala pa mabista.

Ginadayaw gid naton ang kakalma kag pagbatas ni Brother Christensen bisan pa padayon sia nga ginatrato sing indi makatarunganon. Nagasalig gid kita nga padayon sia nga buligan ni Jehova, pati man ang sobra 200 ka Saksi ni Jehova sa Russia nga ginpasakaan man sing mga kaso kriminal.—Salmo 27:1.

Basaha ang transcript sang ginhambal ni Dennis Christensen sa Oryol Regional Court sang Mayo 16, 2019.

Basaha ang transcript sang ginhambal ni Dennis Christensen sa Oryol Regional Court sang Mayo 23, 2019.